අයහපත් සෞඛ්‍ය තත්ත්වය නිසා බණ්ඩාරනායක මැතිනිය අග්‍රාමාත්‍ය ධූරයෙන් ඉල්ලා අස්වී දේශපාලන ක්‍ෂෙත්‍රයෙන් විශ්‍රාම ගත්තාය. ඇය 84 වන වියේ දී අග්‍රාමාත්‍ය ධූරයෙන් ඉල්ලා අස්වන විට ලෝකයේ සේවයෙහි නියුතු වඩාත්ම වයෝවෘද්ධ අගමැති / අගමැතිණි ඇය විය. ඇයගේ අස්වීමත් සමග තුන්වරක් අග්‍රාමාත්‍ය ධූරය ද, දෙවරක් විරුද්ධ පක්ෂයේ නායක ධූරය ද හොබවමින් දීප්තිමත් ශිඛර පසු කළ දශක හතරක් දීර්ඝ වූ දේශපාලන දිවිපෙවෙත නිම විය.